أختي الكريمة، بدعي ربنا ينفعك بالقايمة دي، ويهديكي بيها للزوج الصالح، وتتحققلك عن طريقها السعادة الدايمة بإذن الله. القايمة دي بموضوعاتها الجادة والمهمة جدا لأي اتنين بيفكرو في الارتباط أو مقبلين على الزواج، هي من أحسن الوسائل اللي تقدري تميزي بيها الصادق من الكداب
لإن الكدابين وهواة التسالي بطبعهم ميعرفوش يتكلمو في أي شيء جاد، ولو الواحد فيهم كدب عليكي في نقطة لازم ربنا حيوقعه في نقطة تانية. لازم حتلاحظي تناقض في كلامه بين نقطتين مثلا، وتأخر في ردوده، خصوصا لما تواجهيه بالتناقض ده
علشان كده الرسالة دي، برغم إنها تخص الطرفين، إلا إنها موجهة أساسا للبنات والسيدات، لإنهم الأكثر تعرضا للضرر النفسي إذا طلع الطرف التاني غير صادق وغير أمين في نواياه لا قدر الله. وكمان عاطفيات أكتر من كونهم عقلانيات فيما يتعلق بالارتباط والمشاعر
علشان كده لازم إنت اللي تديري الحوار مع الطرف الآخر، بشكل غير مباشر طبعا، وتستعملي ذكاء الأنثى فيكي. ومتديش فرصة للطرف التاني إنه يتفرع بيكي لموضوعات ملهاش لازمة، وممكن تقلل من قيمتك إذا اتكلمتي فيها معاه
وطبعا زي ما بيقولو كده، الكدب ملوش رجلين، والكداب بينسى هو قال إيه، أما الحقيقة، فهي ثابتة لا تتغير. علشان كده القايمة دي تعتبر إن شاء الله الوصفة السرية، اللي ممكن أي بنت أو سيدة تستعملها للتعرف على شريك الحياة المناسب لها
لازم تشوفي أفكار الطرف التاني وطريقة تفكيره في الموضوعات المهمة دي، وإذا كان ده يتفق معاكي ولا لأ. وكمان تشوفي إذا كنتي تقدري تتقبلي الخلاف في أهم النقط دي، وإذا كان في حاجات مش حتقدري تتقبليها خالص. كل ده مهم إنك تعرفيه قبل الزواج مش بعده أبدا، لإن الخلافات الصعبة بعد الزواج بتكون معقدة جدا خصوصا لو أصبح فيه أطفال كمان
طبعا ممكن تقولي على إيه التعقيد ده كله، المفروض إن الارتباط ميبقاش بالتعقيد ده، ومعاكي حق طبعا. بس حقولك ده مش تعقيد ولا حاجة، دي مجرد موضوعات للمناقشة السلسة جدا بدون أي رسميات، وفي نفس الوقت بدون تفرع لما لا يفيد. كمان احنا في زمن صعب، أصبح الصدق والأمانة فيه عملتين نادرتين جدا وصعب التعرف عليهم
ناهيكي عن النظرة السيئة للتعارف عند أغلب الشباب والرجال، خصوصا إذا كان التعارف ده عن طريق النت. أغلبهم بيقدم سوء الظن في البنت أو السيدة اللي بيتعرف عليها، وبيحاول للأسف الشديد يتفرع بيها لموضوعات غير جادة، زي ما يكون بيختبر أخلاقها. علشان كده لازم تكوني واعية تماما لده
لإنك لو انجرفتي بغير قصد، للحديث الغير جاد مع الطرف الآخر، حتتغير نظرته ونيته من ناحيتك غصب عنه، حتى لو كانت نيته سليمة وغرضه شريف في البداية
وفي النهاية بتمنالك كل التوفيق
اللهم أعنا على ذكرك وشكرك وحسن عبادتك
اللـــــــــــــــهم اجعلنا ممن يستمعون القول فيتبعون أحسنه
اللهم أرنا الحق حقا وارزقنا اتباعه، وأرنا الباطل باطلا وارزقنا اجتنابه
وصلّ اللهم وبارك على عبدك ورسولك نبينا محمد وعلى آله وصحبه أجمعين، وسلم تسليما كثيراً
اللـــــــــــــــهم اجعلنا ممن يستمعون القول فيتبعون أحسنه
اللهم أرنا الحق حقا وارزقنا اتباعه، وأرنا الباطل باطلا وارزقنا اجتنابه
وصلّ اللهم وبارك على عبدك ورسولك نبينا محمد وعلى آله وصحبه أجمعين، وسلم تسليما كثيراً
عايزة أعرف أكتر عن موضوعات التوافق الفكري
كفاية بقى تعبنا .. إيه الحل !؟
0 Comments:
Post a Comment
نرجوا المساعدة في النشر وصالح الدعوات