أختي الكريمة وأخي الكريم، مفيش شك إن الأصل في التعارف الجاد بين أي
اتنين راغبين في الارتباط بغرض الزواج، إنه يتم بعلم الأهل ومباركتهم، وتحت نظرهم ورعايتهم
لكن نظراً لتعنت بعض الأهالي مش كلهم، وعدم تفهّمهم، وتعسيرهم على أولادهم، ورفضهم لمبدأ التعارف الجاد بين الجنسين خصوصاً عن طريق النت، ومع ندرة الفرص المناسبة في محيط حياة الشاب أو الشابة
أصبح فيه اضطرار وحافز عند كل شاب عايز يعف نفسه عن الحرام، وكل شابة عايزة تعصم نفسها من الفتن، في زمن كثرَت فيه الفِتن والموبقات، إنهم يساعدو نفسهم في البحث عن شريك الحياة المناسب ليهم
الصح والطبيعي والواجب، بعد تبادل المعلومات الأساسية بين الاتنين، ومعرفة الظروف المعيشية والاجتماعية والمادية بشكل عام، وبعد تحقق شرط القبول المتبادل، إن الشاب يتقدم مباشرة لأهل البنت، ويتم التعارف ما بينهم، وما بين العيلتين في فترة خطوبة رسمية
لكن نظراً لإن كتير من الشباب والبنات بيكونو قلقانين من مصداقية الطرف الآخر، خصوصاً لو إن التعارف بيتم عن طريق النت، فبيبقو مش حابين يتورّطو في خطوبة قبل ما يتأكدو من حقيقة نوايا الطرف الآخر. وهنا ييجي دور موضوعات التوافق الفكري
علشان كده، وبما إن التعارف بيتم أحياناً في إطار مَكروه وخطير وغير مُحبّذ من المداراة للأسباب المذكورة، تعتبر الموضوعات دي محاولة جادة لتوجيه الشباب من الجنسين بشكل صحيح في مرحلة التعارف
وبكده الاتنين يقدرو بإذن الله يحققو هدفهم في العثور على شريك الحياة المناسب ليهم، بصورة لائقة ودون الإخلال بـ الضوابط الشرعية للتواصل بين الجنسين
لإننا، وخلينا صرحاء مع أنفسنا، منقدرش بأي حال من الأحوال نمنع التواصل ده، خصوصاً على النت في زمن التكنولوجيا والمعلومات، لكن أكيد نقدر نوجههم التوجيه الصحيح في ده، علشان يوصلو للي هم عايزينه بشكل يرضيهم، وميغضبش ربنا عز وجل قبل أي شيء
وفي النهاية، بتمنى إن كل الأهالي، لو فعلاً عايزين مصلحة ولادهم، يتفهّمو الكلام ده، وميعسّروش عليهم، ويعرفو إن الدين والأخلاق هما الأساس اللي لازم نبني عليه اختيارنا لأولادنا، وبعد كده ييجي أي شيء تاني بفضل الله وتوفيقه وكرمه
اللهم أعنا على ذكرك وشكرك وحسن عبادتك
اللـــــــــــــــهم اجعلنا ممن يستمعون القول فيتبعون أحسنه
اللهم أرنا الحق حقا وارزقنا اتباعه، وأرنا الباطل باطلا وارزقنا اجتنابه
وصلّ اللهم وبارك على عبدك ورسولك نبينا محمد وعلى آله وصحبه أجمعين، وسلم تسليما كثيراً
اللـــــــــــــــهم اجعلنا ممن يستمعون القول فيتبعون أحسنه
اللهم أرنا الحق حقا وارزقنا اتباعه، وأرنا الباطل باطلا وارزقنا اجتنابه
وصلّ اللهم وبارك على عبدك ورسولك نبينا محمد وعلى آله وصحبه أجمعين، وسلم تسليما كثيراً
0 Comments:
Post a Comment
نرجوا المساعدة في النشر وصالح الدعوات